Pic: Malaysian Insider
Below Caption: kawe reko-cipto sendiri.... (takdok kaite denge hok hidup atau mati)
abe.. kawe raso hok ceramoh belake nuh lagi come... hok ni mace bunyi cd punoh jah... hok belake tuh bunyi mace banyok ceghito sensasi tuh.. mace astro hbo tuh.. mace-mace ado!
ishh... kawe toksei gi sano..
bakponyo? saeng kawe royat tok cool duduk denga puok nih belebe.. dio kalu nok cool keno joing puok nuh.. dapak dengar ceghito best, pahalo pung dapak..
nanti dulu, kawe nok tunggu maake nih..habih make kito gi lah... puok ni ceramoh semeta jah.. hok nu lamo lagi tuh, lagipong ghama lagi yang nok ceramoh hok alik sano nu..
4 comments:
Sale abe loya kito,
Ambo ni mato kelabu, otok pun tok ligat mano nok pusing.
Mulo tengok palo tajuk, ambo ingat pasal Manchester United. Bilo tengok gamba, wei.. ni kaq Melesia ni..! budok-budok unibasiti Malaya ni nok tunjuk peghasa'e pulok ko dok cakung aghong lagu tu?
Bilo baco, ghupo-ghuponyo Manik Ugha...!
Denga kaba dulu, ado oghe nok peghe di MU tu, sapa nok tike samo sedighi? Aloh.. aloh! bekeng sunggoh oghe-oghe jame lo ni! Pah kato Tuhe bekeng!
"Oghe sini, Oghe hok ado bahaso!"
Semerah Padi.
Tepat sekali abe Semerah! Tokse peghe lah kat MU, warih semuo tuh..guano sapa nok peghe tuh :D jange lagu tuh, mace abe semeroh kito kato lah "oghe sini, oghe hok ado bahaso" ;)
Timokaseh deh sebab bagi komeng.. kawe baso kelate ni tok panda.. kawe cubo jah..kalu saloh sebut jange maroh deh... :)
Hok aloh, demo amik kat bawah banner tepi jale, buke nyah kat tapok ceramoh... hok aloh weii...
Atas Pagar, hok alohh weii..buke kawe puko gambar nih, Malaysian Insider hok ambiknyo.. ;)
Post a Comment